பிக் பாஸ் 8வது சீசன் இதற்கு முன்பு இருந்த சீசன்களை விட பல விஷயங்கள் வித்தியாசமாக மாறி இருக்கிறது. ஆண்கள் டீம், பெண்கள் டீம் என வீட்டையே இரண்டாக பிரித்தது, வீட்டை பங்கு பிரிப்பதை டாஸ்க் ஆக கொடுத்து பெரிய பிரச்னையை கொண்டு வந்தது என பிக் பாஸ் டீம் புதிதாக யோசித்து இருக்கின்றனர்.
அது மட்டுமின்றி 24 மணி நேரத்தில் முதல் எலிமினேஷன் என்பது புது கான்செப்ட். அதில் போட்டியாளர்கள் நாமினேஷன் அடிப்படையில் சாச்சனா எலிமினேட் ஆனார்.
சாச்சனா எலிமினேட் ஆன பிறகு அர்னவ் மட்டும் ஓரமாக சென்று தேம்பி தேம்பி அழுதுகொண்டிருந்தார். அவரை அன்ஷிதா சென்று சமாதானப்படுத்தி கொண்டிருந்தார். சாச்சனாவை எல்லோரும் டார்கெட் செய்தார்கள் என கூறி அழுதார்.
இதை தற்போது நெட்டிசன்கள் கலாய்த்து வருகின்றனர். அவர் ஓவராக நடிக்கிறார், அவார்டா கொடுக்குறாங்க என நெட்டிசன்கள் கேட்டு வருகின்றனர்.