ரிஷாட் பதியூதீனின் வீட்டில் மற்றும் ஒரு பெண் சிறுவர் துஷ்பிரயோகம்

முன்னாள் அமைச்சர் ரிஷாட் பதியூதீனின் வீட்டில் 2010ம் ஆண்டு முதல் பணிப் பெண்ணாக கடமையாற்றிய 11 பேரில், மூவர் உயிரிழந்துள்ளமை விசாரணைகளில் உறுதி செய்யப்பட்டுள்ளதாக பொலிஸார் தெரிவிக்கின்றனர்.

அத்துடன், ரிஷாட் பதியூதீனின் வீட்டில் பணியாற்றிய சந்தர்ப்பத்தில் தானும் பாலியல் துஷ்பிரயோகத்திற்கு உட்படுத்தப்பட்டுள்ளதாக இன்றைய தினம் வாக்குமூலம் வழங்கி யுவதியொருவர் தெரிவித்துள்ளார்.

ரிஷாட் பதியூதீனின் வீட்டில் பணியாற்றிய பெண்கள் தொடர்பில், பிரதான பொலிஸ் பரிசோதகர் வருணி போகஹவத்த தலைமையிலான பொலிஸ் குழு விசாரணைகளை முன்னெடுத்து வருகின்றது.

ரிஷாட் பதியூதீனின் வீட்டில் பணியாற்றிய மூவர் உயிரிழந்துள்ளதாக பொலிஸ் ஊடகப் பேச்சாளர் சிரேஷ்ட பிரதி பொலிஸ் மாஅதிபர் அஜித் ரோஹண தெரிவிக்கின்றார்.

இந்த நிலையில், எஞ்சிய 8 யுவதிகளிடம் வாக்குமூலம் பெற்றுக்கொண்டுள்ளதாகவும் அவர் குறிப்பிட்டார்.

இவ்வாறான நிலையில், ரிஷாட் பதியூதீனின் வீட்டில் பணிப் புரிந்த டயகம பகுதியைச் சேர்ந்த யுவதியொருவரை களனி பகுதியில் கண்டுபிடித்துள்ளனர்.

இந்த யுவதியிடம் நடத்தப்பட்ட விசாரணைகளில், குறித்த யுவதியும் பாலியல் துஷ்பிரயோகத்திற்கு உள்ளாகியுள்ளமை தெரியவந்துள்ளது.

இதன்படி, விசாரணை நடத்தும் பொலிஸ் குழு, குறித்த யுவதியை, பெளத்தாலோக்க மாவத்தையிலுள்ள ரிஷாட் பதியூதீனின் வீட்டிற்கு அழைத்து சென்று விசாரணை நடத்தியுள்ளது.

ரிஷாட் பதியூதீனின் வீட்டின் பல்வேறு இடங்களை, பொலிஸ் குழுவினர் ஆராய்ந்துள்ளனர்

Next Post

மாகாணங்களுக்கு இடையில் இன்று முதல் பயணிப்போருக்கு ஓர் விசேட அறிவிப்பு.

Mon Aug 2 , 2021
மாகாணங்களுக்கு இடையிலான பயணக் கட்டுப்பாடு தொடர்ந்தும் அமுலில் இருக்கின்றமையினால், தொழில் நிமிர்த்தம் செல்பவர்கள் மாத்திரம் மாகாணங்களுக்கு இடையிலான பஸ் மற்றும் ரயில் சேவையை பயன்படுத்துமாறு போக்குவரத்து இராஜாங்க அமைச்சு கேட்டுக்கொண்டுள்ளது. இதேவேளை, வேலை நிமிர்த்தம் செல்வோருக்கு, தமது பஸ்களில் எந்தவித பிரச்சினையும் இன்றி பயணிக்க முடியும் என இலங்கை போக்குவரத்து சபையின் தலைவர் #கிங்ஸிலி #ரணவக்க தெரிவித்துள்ளார். அவ்வாறின்றி, மாகாணங்களுக்கு இடையில் பயணிக்க முயற்சிப்போர், பொலிஸாரினால் தடுத்து நிறுத்தப்படுவார்கள் எனவும் […]

You May Like