மாணவர்களின் காலணிகளை தைத்துக்கொடுக்கும் வேலையில் ஈடுபட்டுள்ள ஆசிரியர்

பெற்றோர்கள் தங்கள் பிள்ளைகளுக்கு தற்போதைய வரி அதிகரிப்பால் உணவுப்பொருட்கள், பல பாடசாலைப் பொருட்களின் விலை உயர்வடைந்துள்ளது. இதனால் பெரும்பான்மையான பிள்ளைகள் பொருளாதார நெருக்கடிக்குள் உள்ளனர்.

பெற்றோர் இருவருமே வேலை செய்யும் குடும்பங்கள் கூட தமது பிள்ளைகளுக்கு சமச்சீர் உணவு, எழுதுபொருட்கள், உடைகள் மற்றும் காலணிகளை வழங்குவதில் சிரமப்படும் வேளையில், வாரியபொல மிரிஹானேகம கனிஷ்ட வித்தியாலயத்தில் ஒரு ஆசிரியர் மாணவர்களின் பழுதடைந்த சப்பாத்துக்களை தைத்து கொடுக்கும் பணியை செய்துவருகின்றார்.

இதனால் சப்பாத்துக்களை அணிந்து பாடசாலைக்கு வரும் மாணவர்களின் எண்ணிக்கை நாளுக்கு நாள் அதிகரித்துக் கொண்டே செல்கிறது.

இப்பாடசாலையின் சிங்கள மற்றும் கலைப் பாட ஆசிரியரான மஹிந்த குமாரகந்த, இறுதியாக 6ஆம் வகுப்பு மாணவனை தனது வகுப்பு ஒன்றில் நிறுத்தி அவனது சப்பாத்துக்கு என்ன நேர்ந்தது என்று கேட்டுள்ளார்.

மாணவர் எதிர்பார்த்தது போலவே, தனது சோடி காலணிகள் பழுதடைவிட்டதாகவும், அவரது தாத்தா, பாட்டிக்கு சப்பாத்தினை வாங்குவதற்கு பணம் இல்லாததால், சிரமம் இருப்பதாகவும் கூறினார்.

குமாரகந்த, திங்கட்கிழமை (28) மாணவனை பழுதடைந்த சப்பாத்தினை கொண்டு வரச் சொல்லி, அந்த காலணிகளை சரிசெய்தார், இது அவர் ஒருபோதும் தேர்ச்சி பெறாத திறமையாகும். கதை அங்கு முடிவடையவில்லை, பாடசாலை முழுவதும் செய்தி அனுப்பப்பட்டது, புதன்கிழமைக்குள், ஆசிரியர் பழுதடைந்த காலணிகளுடன் மூழ்கினார்.

“நான் பாடசாலையின் காலணிகளை தயாரிப்பாளராக ஆனேன்… நான் ஒருபோதும் காலணிகளைத் தைப்பது அல்லது சரிசெய்வது எப்படி என்பதைக் கற்றுக் கொள்ளவில்லை, ஆனால் எனது காலணிகள் பழுதடைந்தபோது ஒரு இளைஞனாக என் கைகளால் அதை முயற்சித்தேன். சப்பாத்துக்கள் தாங்கமுடியாத விலை உயர்ந்துள்ளது, அவற்றை வாங்க முடியாது. மாணவர்களுக்கு உறுதுணையாக, நான் இதை மேற்கொள்ள முடிவு செய்தேன், இதைத் திருத்திய பின்னர் மகிழ்ச்சியான முகங்களைப் பார்க்க நான் எவ்வளவு மகிழ்ச்சியடைகிறேன் என்பதை வார்த்தைகளால் விளக்க முடியாது…” என்று குமரகந்த புதன்கிழமை (30) தனது முகநூல் பக்கத்தில் பதிவிட்டுள்ளார்.

பல மாணவர்கள், பெற்றோரால் கைவிடப்பட்டதால் அல்லது பெற்றோர் இறந்துவிட்டதால், அல்லது தாத்தா பாட்டிகளுடன் வாழ்கின்றனர். அவர்களின் தோற்றம், தூய்மையை சரி செய்ய வேண்டும்.

எவ்வாறாயினும், பாடசாலையின் ஆசிரியர்கள் மற்றும் அதிபர்களின் அர்ப்பணிப்பு காரணமாக, சாதாரண தரம் உட்பட பரீட்சைகளில் பிள்ளைகள் நல்ல சித்திகளைப் பதிவு செய்கின்றனர்.

“எனது ஓய்வு நேரங்களிலும் பாடசாலைக்குப் பிறகும், ஓய்வு நேரம் கிடைக்கும் போதெல்லாம் நான் அவர்களின் பழுதடைந்த காலணிகளை சரிசெய்வேன்” என்று மஹிந்த குமாரகந்த தனது முகநூல் பதிவில் பதிவிட்ட 48 மணி நேரத்திற்குள் 2,600க்கும் அதிகமான பகிர்வுகளுடன் வைரலாகியது.